३० मार्चपासून राज्यात पुन्हा वादळी पावसाचे सावट; गारपिटीचाही इशारा

गडचिरोली, प्रतिनिधी :-

राज्यात उन्हाचा कडाका वाढत असतानाच आता पुन्हा एकदा निसर्गाचा लहरीपणा पाहायला मिळणार आहे. ३० मार्च ते ४ एप्रिल दरम्यान संपूर्ण महाराष्ट्रात मेघगर्जनेसह वादळी पावसाची शक्यता हवामान खात्याकडून वर्तवण्यात आली आहे. विशेषतः विदर्भ आणि मराठवाड्यात याचा मोठा फटका बसण्याची शक्यता आहे.

पावसाचे वेळापत्रक आणि प्रभावित क्षेत्र:-

 ३० मार्च:- खानदेश, मराठवाडा, पश्चिम विदर्भ आणि मध्य महाराष्ट्रातील घाट परिसरात विजांच्या कडकडाटासह वादळी वारे, पाऊस आणि काही ठिकाणी गारपिटीची शक्यता आहे.

  ३१ मार्च: या दिवशी पावसाचा जोर थोडा कमी असला तरी हवामान अस्थिर राहील.

  १ ते ४ एप्रिल: या काळात पावसाचे प्रमाण पुन्हा वाढण्याचा प्राथमिक अंदाज आहे.

कृषी विभागाचे आवाहन:-

सध्या रब्बी पिकांची काढणी अंतिम टप्प्यात आहे. त्यामुळे शेतकऱ्यांनी खालील खबरदारी घ्यावी:

  काढणी केलेले पीक सुरक्षित ठिकाणी साठवावे किंवा ताडपत्रीने झाकून ठेवावे.

  वादळी वारे आणि गारपिटीपासून पिकांचे नुकसान टाळण्यासाठी तात्काळ नियोजन करावे.

 * विजा कडाडत असताना झाडाखाली, टिनशेडखाली किंवा वीज खांबांजवळ उभे राहू नका. स्वतःची आणि पाळीव जनावरांची सुरक्षितता सुनिश्चित करा.

#MaharashtraWeather #RainAlert #FarmerAlert #GadchiroliNews #MahabharatNews #UdayDhakate