क्रीडा व मनोरंजनताज्या घडामोडी

राज्यस्तरीय कराटे स्पर्धेत स्नेहम खरबडे हिला रौप्यपदक

नागपूर, प्रतिनिधी :-

महाराष्ट्र शासनाच्या क्रीडा व युवक सेवा संचालनालयांतर्गत आयोजित D.S.O. राज्यस्तरीय शालेय कराटे स्पर्धा २०२६-२७ मध्ये सेंट व्हिन्सेंट पॅलोटी स्कूलची विद्यार्थिनी स्नेहम हेमंत खरबडे हिने रौप्यपदक पटकावून उल्लेखनीय यश संपादन केले.

शाळेच्या इयत्ता सहावी ‘अ’ मध्ये शिकणाऱ्या स्नेहमने १४ वर्षांखालील मुलींच्या कुमिते प्रकारातील २२ किलोखालील वजनगटात उत्कृष्ट खेळाचे प्रदर्शन केले. यापूर्वी नागपूर विभागीय स्पर्धेत सुवर्णपदक मिळवून तिने राज्यस्तरीय स्पर्धेत स्थान निश्चित केले होते. राज्यस्तरावरही सातत्यपूर्ण कामगिरी करत तिने रौप्यपदकाची कमाई केली.

स्नेहमला कराटे प्रशिक्षक मोविन विलियम यांचे मार्गदर्शन, तर शाळेचे क्रीडा शिक्षक हिमांशू दाने यांचे प्रोत्साहन लाभले. तिच्या या यशाबद्दल शाळा प्रशासन, प्रशिक्षक, कुटुंबीय आणि क्रीडाप्रेमींकडून अभिनंदन करण्यात येत असून पुढील क्रीडा वाटचालीसाठी शुभेच्छा दिल्या जात आहेत.

विभागीय स्तरावर सुवर्णपदक आणि राज्यस्तरावर रौप्यपदक मिळविणारी स्नेहमची ही कामगिरी तिच्या मेहनतीचे आणि जिद्दीचे कौतुकास्पद उदाहरण ठरली आहे.

महाभारत न्यूज

उदय धकाते,संपादक

Related Articles

Leave a Reply

Back to top button

Adblock Detected

Please consider supporting us by disabling your ad blocker