आपला जिल्हा
लॉयड्स मेटलला सलग दुसऱ्या वर्षी सुरजागड खाणीसाठी 5-स्टार रेटिंग
गडचिरोली,प्रतिनिधी :-
लॉयड्स मेटल अँड एनर्जी लिमिटेडच्‍या सुरजागड लोह खनिज खाणीला केंद्र सरकारच्‍या खाण मंत्रालयाकडून सलग दुसऱ्या वर्षी प्रतिष्ठित 5-स्टार मानांकन प्राप्‍त झाले आहे. नुकत्याच झालेल्या एका समारंभात केंद्रीय खाण मंत्री जी. किशन रेड्डी आणि राज्यमंत्री सतीश चंद्र दुबे यांच्या हस्ते त्यांना हा सन्‍मान प्रदान करण्यात आला.
लॉयड्स मेटलचे कॉर्पोरेट अफेअर्स अध्‍यक्ष राम कुमार राय, रेग्‍युलेशन्‍स अॅड इएचक्‍यूचे उपाध्‍यक्ष जी. कुमार स्‍वामी, माइन्‍सचे उपाध्‍यक्ष सुभाशिष बोस, डीजीएम रविचंद्रन नान्‍नुरी, प्रोजेक्‍ट प्‍लॅनिंग अँड कंट्रोलचे व्‍यवस्‍थापक राहूल भद्रा यांनी हा पुरस्‍कार स्‍वीकारला.
गडचिरोली जिल्ह्यातील सर्वात मोठ्या आणि वेगाने विस्तारणाऱ्या खाणींपैकी एक असलेल्या सूरजागढ लोहखनिज खाण ही या प्रदेशाच्या सामाजिक-आर्थिक परिवर्तनात महत्त्वाची भूमिका बजावत आहे. ही खाण डाव्‍या विचारसरणीच्‍या नक्षल प्रभावित क्षेत्रात असलेली असून महत्‍वाकांक्षी जिल्हा कार्यक्रमांतर्गत वर्गीकृत करण्यात आली आहे. ही खाण रोजगाराच्या संधी उपलब्ध करून देण्यासाठी आणि विविध सामाजिक उपक्रमांद्वारे स्थानिक आदिवासी समुदायांच्‍या उत्थानासाठी महत्त्वपूर्ण ठरली आहे.
लॉयड्स मेटल अँड एनर्जी लिमिटेडने स्थानिक आदिवासी समुदायाच्‍या उन्‍नतीसाठी महत्त्वपूर्ण पावले उचलली असून त्‍यात ना-नफा तत्‍वावर शाळा, मल्‍टी स्‍पेशालिटी हॉस्पिटल आणि महिलांसाठी गारमेंट स्टिचिंग युनिट यांचा समावेश आहे. या उपक्रमांमुळे स्थानिक जनतेला केवळ अत्यावश्यक सेवाच उपलब्ध झाल्या नाहीत तर महाराष्ट्र सरकार तसेच पंतप्रधान आणि भारताचे राष्ट्रपती यांनीही त्यांना मान्यता दिली आहे.
सामाजिक योगदानाव्यतिरिक्त, सुरजागड लोह खनिज खाणीने खनिज संवर्धन आणि हरित खाण पद्धतींमध्ये नवीन मानके स्थापित केली आहेत. इलेक्ट्रिक आणि इव्‍ही-बॅटरीवर चालणारी मशिनरी सादर करणे हा कंपनीच्या कार्बन फूटप्रिंट आणि उत्सर्जन कमी करण्याच्या वचनबद्धतेचा एक भाग आहे. लॉयड मेटल अँड एनर्जी लिमिटेड ने शाश्वत आणि पर्यावरणदृष्ट्या जबाबदार खाण पद्धतींबद्दलचे समर्पण आणि ग्रीन-मायनिंग उपकरणांमध्ये पूर्णपणे परिवर्तन करण्याचे महत्त्वाकांक्षी लक्ष्य ठेवले आहेत.
वाचकांचा कौल
