गडचिरोली, प्रतिनिधी :-
गडचिरोली, देसाईगंज आणि आरमोरी या तीन नगर परिषदांच्या सार्वत्रिक निवडणुकांसाठी प्रशासन सज्ज झाले आहे. एकूण 68 सदस्य पदांसाठी निवडणुका होत असून, जिल्ह्यातील 92 हजार 864 मतदार आपला मतदानाचा हक्क बजावणार आहेत. या निवडणुकीसाठी एकूण 105 मतदान केंद्रे तयार करण्यात आली आहेत, अशी माहिती जिल्हाधिकारी अविनाश पंडा यांनी दिली.
🔹 नगर परिषदनिहाय मतदार व जागा
गडचिरोली नगर परिषद – एकूण 43,513 मतदार, 46 मतदान केंद्रे आणि 27 सदस्य पदे.
देसाईगंज नगर परिषद – 26,352 मतदार, 32 मतदान केंद्रे आणि 21 सदस्य पदे.
आरमोरी नगर परिषद – 22,999 मतदार, 27 मतदान केंद्रे आणि 20 सदस्य पदे.
🔹 आरक्षण आणि महिला प्रतिनिधीत्व
या निवडणुकीत महिलांना प्राधान्य देण्यात आले असून, 68 पैकी तब्बल 35 जागा महिलांसाठी राखीव ठेवण्यात आल्या आहेत.
प्रवर्गनिहाय आरक्षण:
सर्वसाधारण – 31 जागा
नामांकित मागास प्रवर्ग (नामाप्र) – 18 जागा
अनुसूचित जाती – 11 जागा
अनुसूचित जमाती – 8 जागा
महिला आरक्षणाचा तपशील:
गडचिरोली – 27 पैकी 14 जागा महिला राखीव (त्यापैकी 6 सर्वसाधारण)
देसाईगंज – 21 पैकी 11 जागा महिला राखीव (त्यापैकी 6 सर्वसाधारण)
आरमोरी – 20 पैकी 10 जागा महिला राखीव (त्यापैकी 3 सर्वसाधारण)
प्रशासकीय तयारी पूर्ण
निवडणुकीच्या पारदर्शकतेसाठी प्रशासनाने सर्व यंत्रणा सज्ज केल्या आहेत. मतदान केंद्रांची पाहणी, कर्मचारी नियोजन आणि सुरक्षा व्यवस्था अंतिम टप्प्यात असल्याचे जिल्हाधिकारी पंडा यांनी सांगितले.
