भारतीय रेल्वे केटरिंग अँड टुरिझम कॉर्पोरेशनची बनावट खात्यांवर कडक कारवाई

रेल्वे मंत्रालयाच्या अखत्यारीतील सार्वजनिक क्षेत्रातील उपक्रम असलेल्या आयआरसीटीसीने आपल्या www.irctc.co.in संकेतस्थळ आणि ‘IRCTC Rail Connect’ मोबाईल अ‍ॅपमध्ये व्यापक सुधारणा करत ऑनलाइन तिकीट आरक्षण प्रणाली अधिक सुरक्षित, पारदर्शक आणि वापरकर्ता-अनुकूल केली आहे.

 मोठी कारवाई : बनावट प्रोफाइलवर आळा

2025 मध्ये 3.03 कोटी संशयित युजर आयडी निष्क्रिय

4.86 कोटी युजर आयडी पुनर्पडताळणीअंतर्गत

3.99 लाख संशयित PNR संदर्भात 376 तक्रारी राष्ट्रीय सायबर गुन्हे पोर्टल वर नोंद

12,819 संशयित ई-मेल डोमेन ब्लॉक

मोठ्या प्रमाणातील दुर्भावनायुक्त ट्रॅफिकवर नियंत्रण

या उपायांमुळे फसवणूक आणि एजंटमार्फत होणारे गैरप्रकार मोठ्या प्रमाणात कमी झाल्याचा दावा आयआरसीटीसीने केला आहे.

युजर इंटरफेसमध्ये (UI) महत्त्वपूर्ण सुधारणा

अधिक स्वच्छ, हलका आणि वेगवान इंटरफेस

सुधारित लोडिंग गती व प्रतिसादक्षमता

मेनू पर्यायांचे पुनर्संयोजन

फॉर्म फील्ड्स अधिक सुलभ

लॉगिन कॅप्चा हटविण्यात आला

ट्रेन यादी आता “प्रस्थान वेळ”नुसार क्रमबद्ध

“Show/Hide Filter” सुविधा उपलब्ध

या बदलांमुळे लाखो प्रवाशांना अधिक वेगवान व सोपा बुकिंग अनुभव मिळत आहे.

 तात्काळ (Tatkal) व ARP बुकिंगसाठी आधार अनिवार्य

Advance Reservation Period (ARP) सुरू होण्याच्या दिवशी बुकिंग फक्त आधार पडताळणी केलेल्या वापरकर्त्यांनाच

Tatkal बुकिंगसाठीही आधार पडताळणी अनिवार्य

या उपायामुळे बनावट खाते उघडून तिकिटांचा साठा करण्याच्या प्रकारांना मोठा आळा बसला आहे. परिणामी, तिकिटांचे न्याय्य वाटप आणि पारदर्शकता वाढली आहे.

 तांत्रिक उपाय : CDN व अँटी-बॉट तंत्रज्ञान

सर्व्हरवरील भार कमी करण्यासाठी Content Delivery Network (CDN) लागू

स्वयंचलित बुकिंग रोखण्यासाठी प्रगत अँटी-बॉट तंत्रज्ञान तैनात

यामुळे संशयास्पद ट्रॅफिक फिल्टर होत असून, सत्यापित वापरकर्त्यांसाठी प्रतिसाद वेळ व प्रणालीची कार्यक्षमता सुधारली आहे.

नागरिक-केंद्रित पाऊल

आधार-आधारित पडताळणी, सायबर सुरक्षेची बळकटी आणि अँटी-फ्रॉड कारवाईमुळे आता प्रामाणिक रेल्वे प्रवाशांना तात्काळ व आगाऊ आरक्षण करताना अधिक न्याय्य संधी मिळत आहे.

बनावट खात्यांवर मोठी कारवाई आणि तांत्रिक सुधारणांमुळे ऑनलाइन तिकीट आरक्षण प्रणाली अधिक विश्वासार्ह बनली असून, खऱ्या प्रवाशांच्या चेहऱ्यावर समाधानाचे हास्य फुलल्याचे चित्र आहे.