वसंत विद्यालयात जिल्हास्तरीय राष्ट्रीय विज्ञान नाट्योत्सव उत्साहात

गडचिरोली, प्रतिनिधी :-

चांदा शिक्षण मंडळ, चंद्रपूरद्वारा संचालित वसंत विद्यालय, गडचिरोली येथे माध्यमिक शिक्षण विभाग, गडचिरोली यांच्या मार्गदर्शक सूचनेनुसार जिल्हास्तरीय राष्ट्रीय विज्ञान नाट्योत्सवाचे आयोजन करण्यात आले. जिल्ह्यातील आठ तालुक्यांतील प्रथम क्रमांक प्राप्त शाळांनी या स्पर्धेत सहभाग घेतला.

कार्यक्रमाची सुरुवात मान्यवरांच्या हस्ते माता सरस्वती व ‘मिसाईल मॅन’ डॉ. ए.पी.जे. अब्दुल कलाम यांच्या प्रतिमेला माल्यार्पण व दीपप्रज्वलनाने झाली. वंशिका झंजाळ, ग्रीष्मती नागोसे, सिमरन लेंगुरे, द्रिशिका सुरपाम व मुस्कान फुलझेले यांनी सुमधुर स्वागतगीत सादर करून उपस्थितांची दाद मिळवली.

कार्यक्रमाचे प्रास्ताविक शिक्षण विस्तार अधिकारी अमरसिंग गेडाम यांनी केले. प्रमुख अतिथी गटशिक्षण अधिकारी दीपक देवतळे यांनी विद्यार्थ्यांनी वैज्ञानिक दृष्टिकोन बाळगून विविध स्पर्धांमध्ये सहभागी व्हावे, असे आवाहन केले. अध्यक्षीय भाषणात माध्यमिक शिक्षणाधिकारी वासुदेव भुसे यांनी विज्ञान नाट्यस्पर्धांसारख्या उपक्रमांतून विद्यार्थ्यांच्या आंगिक कलेचा विकास होतो, असे मत व्यक्त केले.

यावेळी वसंत विद्यालयाच्या मुख्याध्यापिका सौ. सुचिता कामडी व पर्यवेक्षक प्रभाकर मंदूरकर उपस्थित होते.

कोंढाळा शाळेची विभागीय स्तरासाठी निवड

स्पर्धेचे परीक्षण प्रा. संध्या येलेकर, प्रा. वैशाली रागीट व प्रा. हर्षाली मडावी यांनी केले. निकालात पीएम श्री जि.प. उच्च प्राथमिक शाळा, कोंढाळा, ता. देसाईगंज (वडसा) हिने प्रथम क्रमांक पटकावत विभागीय स्तरासाठी पात्रता मिळवली.

द्वितीय क्रमांक – सैनिकी गोंडवाना विद्यालय, गडचिरोली

तृतीय क्रमांक – यशवंत इंग्लिश मीडियम स्कूल, आरमोरी

मान्यवरांच्या हस्ते विजेत्या तसेच सहभागी शाळांतील विद्यार्थ्यांना प्रमाणपत्रे देऊन गौरविण्यात आले.

कार्यक्रम यशस्वी करण्यासाठी शिक्षक हरीष बावणकर, प्रवीण माटे,सतीश धाईत,मेघश्याम लांजेवार, तिलोत्तमा सुरपाम, कल्पना कन्नाके, विद्यानंद चहांदे, अनिल पुरी, संजय वरखडे, प्रवीण दब्बा, पूजा निखाडे, त्रिवेणीका सोनवणे, शितल धकाते, प्रियंका बनकर, शिक्षकेत्तर कर्मचारी श्री सचिन धकाते, राकेश हेडाऊ व शालेय मंत्रिमंडळ सदस्यांचे सहकार्य लाभले.कार्यक्रमाला मोठ्या संख्येने विद्यार्थी उपस्थित होते.

कार्यक्रमाचे सूत्रसंचालन शिक्षिका मीरा बिसेन यांनी केले, तर आभार शिक्षण विस्तार अधिकारी अमरसिंग गेडाम यांनी मानले. कार्यक्रमाच्या यशस्वी आयोजनासाठी शिक्षक, शिक्षकेत्तर कर्मचारी आणि शालेय मंत्रिमंडळ सदस्यांचे सहकार्य लाभले. कार्यक्रमाला विद्यार्थ्यांची मोठी उपस्थिती होती.