गडचिरोलीच्या वनसंपदा, वन्यजीव संरक्षण आणि स्थानिक रोजगारासाठी ठोस उपाययोजन 50 लाख भरपाई पाठपुरावा-आमदार डॉ. नरोटे

मुंबई, प्रतिनिधी :-

गडचिरोली जिल्ह्यातील वनसंपदा, वन्यजीव संरक्षण तसेच स्थानिक रोजगारनिर्मितीशी संबंधित विविध प्रश्नांबाबत गडचिरोली चे आमदार डॉ. मिलिंद नरोटे यांनी वनमंत्री गणेश नाईक यांची भेट घेऊन सविस्तर चर्चा केली आहे.

यावेळी मानव-वन्यजीव संघर्षावर कायमस्वरूपी उपाययोजना करण्यासह वनसंपदेच्या माध्यमातून स्थानिकांना रोजगाराच्या संधी उपलब्ध करून देण्याबाबत विविध मागण्या यावेळी मांडण्यात आल्या.

वन्यप्राण्यांच्या हल्ल्यात मृत्यू झालेल्या व्यक्तींच्या कुटुंबीयांना देण्यात येणारी भरपाई ५० लाख रुपयांपर्यंत वाढवावी तसेच मृतांच्या वारसांना नोकरी देण्याची तरतूद करावी, अशी मागणीही करण्यात आली.

गडचिरोली जिल्ह्यात वाघ व हत्तींच्या हल्ल्यांमुळे मानव तसेच शेतीचे नुकसान होत असल्याने मानव-वन्यजीव संघर्षासाठी विशेष कृती आराखडा तयार करावा, अशी मागणी करण्यात आली. हत्तींच्या व्यवस्थापनासाठी स्थानिक युवकांना प्रशिक्षण देऊन विशेष स्थानिक पथके तयार करण्याची योजनाही राबवावी, अशी मागणी करण्यात आली. या प्रस्तावाला वनमंत्री गणेश नाईक यांनी सकारात्मक प्रतिसाद देत आश्वासन दिल्याचे सांगण्यात आले.