नागपूर, प्रतिनिधी : –
ज्या सरकारी कर्मचाऱ्यांना १५ जून १९९५ रोजीच्या शासन निर्णयानुसार आधी संरक्षण मिळाले होते, अशा हजारो कर्मचाऱ्यांना मुंबई उच्च न्यायालयाच्या निर्णयामुळे दिलासा मिळणार आहे.सदर निर्णय हा आदिवासी समाजासाठी संजीवणी देणारा आहे.
कर्मचाऱ्यांवर सुप्रीम कोर्टाचा जगदीश बहिरा या निर्णय अधिसंख्यचा १० डिसेंबर २०१९ चा शासन निर्णय लागू होत नाही, असे मुंबई उच्च न्यायालय,नागपूर खंडपीठाने नमूद करीत दोन याचिकाकर्त्यांना दिलासा दिला आहे. या निर्णयामुळे हजारो कर्मचाऱ्यांना दिलासा मिळणार आहे. विशेष हे कि उच्च न्यायालय ने दिलीप सपकाळे यांना मुख्याध्यापक म्हणून खुल्या प्रवर्गात संरक्षण दिले, तर दुसरे याचिकाकर्ते निवृत्ती इंगळे यांना विशेष मागास प्रवर्गात संरक्षण दिले आहे. या दोन याचिकांवर न्यायमूर्ती नितीन सांबरे आणि न्यायमूर्ती वृषाली जोशी यांच्यासमक्ष तसेच न्यायमूर्ती भारती डांगरे आणि न्यायमूर्ती अभय मंत्री यांच्यासमक्ष वेगवेगळी सुनावणी झाली.याचिकातर्फे एड. शैलेश नारणवरे यांनी बाजू मांडली.
दिलीप सपकाळे व निवृत्ती इंगळे या दोन याचिकाकर्त्यांची अनुसूचित जमाती अंतर्गत शेलापूर, तह. मोताळा, जि. बुलढाणा येथील शाळेत नियुक्ती आहे.
अनंतराव सराफ विद्यालयात सहाय्यक शिक्षक पदावर नियुक्ती झाली. १५ जून १९९५ च्या शासन निर्णयानुसार याचिकाकर्त्यांना विशेष मागास वर्गात समाविष्ट करण्यात आले होते. त्यांनी विशेष मागास वर्गाचे वैधता प्रमाणपत्र सादर केले. दिलीप सपकाळे यांना मुख्याध्यापक पदावर पदोन्नती देण्यात आली. त्यानंतर विद्यालयाच्या व्यवस्थापनाने त्यांच्या रोस्टरला मान्यता देण्यासाठी अमरावती मागासवर्ग विभागाच्या आयुक्तांना पत्र दिले. आयुक्तांनी त्यांची नियुक्ती नाकारली.
पर्वलक्षप्रभावाने लागू होत नाही याचिकाकर्त्यांचे म्हणणे होते. त्यांच्या सेवेला १५ जून १९९५ प्रमाणे विशेष मागास प्रवर्गात संरक्षण देण्यात आले होते. हे संरक्षण सुप्रीम कोर्टातील ६ जुलै २०१७ रोजीच्या पूर्वीचे असल्यामुळे पूर्वलक्षप्रभावाने लागू होत नाही. त्यामुळे हायकोर्टाने दिलीप सपकाळे यांना मुख्याध्यापक म्हणून खुल्या प्रवर्गात संरक्षण दिले. तसेच निवृत्ती इंगळे यांना विशेष मागास प्रवर्गात संरक्षण देण्यात आले. हजारो कर्मचाऱ्यांना १५ जून ९५ रोजीच्या शासन निर्णयानुसार संरक्षण मिळाले होते, अशा हजारो कर्मचाऱ्यांना दिलासा मिळणार आहे.
ऑर्डर वाचण्यासाठी खालील लिंक वर क्लिक करा.
