गडचिरोली येथे 8 तारखेला झाडी बोली कविसंमेलन

गडचिरोली,प्रतिनिधी :-

    झाडी बोली साहित्य मंडळ गडचिरोलीच्या वतीने येत्या रवीवारी 8 तारखेला गडचिरोली मध्यवर्ती सहकारी बँकेच्या सभागृहात कविसंमेलनाचे आयोजन केलेले आहे.

   सदर कार्यक्रमात झाडीबोली मंडळाने घोषीत केलेल्या साहित्य  व कलावंत क्षेत्रातील पुरस्काराचे वितरण तसेच आनंदराव बावणे लिखीत “स्वानंदगीत” या पुस्तकाचे प्रकाशन होईल. या कविसंमेलनात चंद्रपूर व गडचिरोलीचे ३० कवी निमंत्रित असून उपस्थित सर्व कवींना कविता सादर करण्याची संधी आयोजक देणार आहेत.

    तरी कार्यक्रमास जास्तीत जास्त संख्येने कवीं, कवयित्री व रसिकांनी उपस्थित राहण्याचे आवाहन झाडी बोली साहित्य मंडळाच्या पदाधिकाऱ्यांच्या वतीने करण्यात आलेले आहे.अधिक माहिती साठी डॉ.चंद्रकांत लेनगुरे ९४२३६४६७४३ या भ्रमणध्वनीवर संपर्क करावे असे झाडी बोली साहित्य मंडळाने केले आहे.