प्रमोद पिपरे यांची गडचिरोली विधानसभा क्षेत्रात बैठक

चामोर्शी,प्रतिनिधी :-

लोकसभा समन्वयक प्रमोद पिपरे यांनी गडचिरोली विधानसभा क्षेत्रात भाजपची बैठक घेतली. यावेळी त्यांनी महाविजय 2024 महा जनसंपर्क अभियाना अंतर्गत चामोर्शी येथे आ. डॉ देवराव होळी  व पदाधिकाऱ्यांना दिली भाजपच्या आगामी कार्यक्रम व नियोजनाची माहिती सविस्तर दिली.

   गडचिरोली- चिमूर लोकसभा क्षेत्राचे क्षेत्र समन्वयक प्रमोद पिपरे यांनी आज दि. 8 आगस्ट रोजी महाविजय 2024 महा जनसंपर्क अभियाना अंतर्गत गडचिरोली विधानसभा क्षेत्राचा दौरा करून चामोर्शी येथे आ.डॉ देवराव होळी यांच्या समवेत भाजपा पदाधिकाऱ्यांची बैठक घेतली व त्यांना भाजपचे आगामी कार्यक्रम व नियोजनाबाबत ची सविस्तर माहिती दिली व विविध विषयांवर चर्चा केली.

गडचिरोली विधानसभा क्षेत्राच्या बैठकीला प्रामुख्याने आम. डॉ  देवरावजी होळी लोकसभा समन्वयक प्रमोदजी पिपरे, बंगाली आघाडी चे जिल्हाध्यक्ष सुरेश शहा, तालुका अध्यक्ष दिलीप चलाख, तालुका महामंत्री साईनाथ बुरांडे ज्येष्ठ कार्यकर्ते जयराम चलाख, युवा मोर्चा चे प्रतीक राठी, डोमदेव वन्नेवार, काशिनाथ बुरांडे, बंडू बारसागडे, नीरज रामानुजमवार, निखिल धोडरे, मारोती गेडाम, रामचंद्र वरवाडे, वॉर रूम प्रमुख सुमित सरकार, सोशल मीडिया प्रमुख राकेश भैसारे उपस्थित होते. 

   याप्रसंगी आगामी नियोजन व कार्यक्रमाची माहिती देताना प्रमोद पिपरे यांनी सांगितले की, आरमोरी विधानसभा क्षेत्रात 100 ते 150 पदाधिकारी व कार्यकर्त्यांची एक टीम तयार करून त्या टीमला चांगले सक्षम व मजबूत बनवून त्या शंभर लोकांना एका व्यक्तीला तीन बुथाचे प्रभार देण्यात यावे, विधानसभा कोअर ग्रुप 15 लोकांचे गठन करण्यात यावे, प्रत्येक बुथावर पक्षाचे नियमित 6 कार्यक्रम होतील याबाबत योजना तयार करणे, 16 ऑगस्ट 2023 पर्यंत 15 हजार नव मतदार नोंदणी करणे, प्रत्येक विधानसभेत जनसंघ व भाजपाचे वरिष्ठ ते ज्येष्ठ अशा 500 नागरिकांची यादी तयार करणे. फ्रेंड्स ऑफ बीजेपी, धन्यवाद मोदीजी अभियान, नव मतदार नोंदणी, युवा वारीयर्स  यांचे प्रत्येकी 500 सदस्य तयार करणे, माननीय प्रदेशाध्यक्ष आमदार चंद्रशेखरजी बावनकुळे यांचा गडचिरोली चिमूर लोकसभा क्षेत्रात 23 ऑगस्ट 2023 रोजी प्रवास दौरा आहे. त्यानिमित्ताने प्रत्येक विधानसभेमध्ये घर चलो अभियान व प्रमुख 100 कार्यकर्त्यांच्या बैठकीचे आयोजन करणे अशी माहिती यावेळी लोकसभा क्षेत्र समन्वयक प्रमोद पिपरे यांनी पदाधिकारी व कार्यकर्त्यांना दिली.

  यावेळी मार्गदर्शन करताना लोकसभा समन्वयक प्रमोद पिपरे यांनी गडचिरोली विधानसभा क्षेत्रातील सर्व तालुक्यातील बुथ सक्षम करून वॉर रूम  तयार करून अपडेट करणे, सोशल मीडिया टीम ऍक्टिव्ह करणे तसेच पक्षाचे संघटन वाढविण्यासाठी परिश्रम घ्यावे असे आवाहन यावेळी प्रमोद पिपरे यांनी केले.  यावेळी आम. देवरावजी होळी यांनी 5 युवकांची वॉर रूम टीम व संगणकासह सुसज्ज वॉर रूम तयार केल्याने प्रमोद पिपरे यांनी वॉर रूम ची पाहणी केली व समाधान व्यक्त केले. बैठकीला  पदाधिकारी व कार्यकर्ते उपस्थित होते.